Directiva actual ta consisti di:

President:                           
Pedro E. Morillo

Vice-President:                 
Natalie S. Morillo

Secretario:                         
Eldred A.J. Morillo

Tesorero:                           
Enrica E. Morillo

Comisario:                           
Eugene Filiciana

S.V. Arsenal su Statuut a wordo aproba bij Landsbesluit d.d. 3 April 1965 No. 11.
E tereno di Futbol ta situa na Coba Lodo y ta pertenece na “ Arsenal”.

Na anja 1964 S.V. Arsenal a cuminsa den B-Klasse saliendo Sub-Campeon.

Na anja 1966 nan a bolbe titula Sub-Campeon.

Na anja 1967 nan a titula Campeon Invicto di B-Klasse den 12 wega y asina a promove pa A-Klasse.

E siguiente anja a bai malo y e team mester a degrada pa B-Klasse.

Den 1969 a cuminsa cu un Reseve Team, cual a titula Campeon di Juliana Beker y Sub-Campeon Reserve.

E Promer Team tambe a titula Campeon Juliana Beker na 1971.

Den anjanan 1971-1972 e equiponan di Futbol y Domino a bishita Bonaire pa algun Partido amistoso.

A wordo funda Aspirant Menor y Juvenil durante e anjanan ey.

For di 1974 te cu 1980 S.V. Arsenal a sigui lucha den B-Klasse enfrentando varios contratiempo.

Den anja 1975 S.V. Arsenal a lanta na promer team di Aspirant,den cual tabata milita e.o. Kees Rasmijn y Denchi Werleman.

E siguiente anja cu ta 1976 tur e hungadornan ey a pasa pa Junioren.

Na 1980 S.V. Arsenal su lucha a ser corona ora nan a titula Campeon di B-Klasse y a promove pa A-Klasse,pero e tempo ey a bira Divicion Promer.

Durante 1983 S.V. Arsenal a bolbe conoce un temporada malo y a degrada pa Divicion Dos.

Na 1984 Arsenal Damas Domino Team a ser funda y nan a titula Sub-Campeon y a desallora pa 3 anja sigui.

Na 1985 S.V. Arsenal a bolbe titula Campeon Divicion Dos  y a promove pa Divicion Promer.

Durante e mes anja 1985 a lanta Seccion Lifida A y B y Aspirant Menor.

Den 1987 e team di Infantil B a titula Campeon den Pre-Campeonato.

Anja 1988 tabata un tremendo anja pa S.V. Arsenal debi cu tur e Divicionnan a bai Play-Off e.o. Divicion Promer,Reserve,Lifida A,Aspirant Menor y e team di Damas Futbol.

Den Futbol Damas e team tabata un fuerte Campeon den anjanan setenta.

Na 1989 Lifida A a titula Campeon Invicto cu hopi bon record cu te awor ainda no por a wordo kibra.

For di anja 1990 te cu 1998 varios di e seccionnan a viaja pa differente parti di Venezuela pa realiza weganan Internacional.

E team di Futbol Damas a jega di viaja pa Maracaibo,Bonaire y Curacao na unda nan a realiza varios wega.

E team Senior a bishita e.o Bonaire y Venezuela unda nan tabattin intercambio cu Centro Hispano,hunto cu e team Infantil.

Damas Domino a bishita Bonaire y Venezuela.

Alavez na Aruba mes tambe a realiza varios wega Internacional p.e. contra San Thomas de Villanueva den categoria Lifida B.

A enfrenta Deportivo Amistad den Menoy y Major.

Seccion Amateur a enfrenta Hacoay di Argentina;asina tabatin varios intercambio.

S.V. Arsenal a participa den tur su seccion di A.V.B.,na anja 1991 a hunga den Seccion Non Amateur hunto cu e.o Estrella,R.C.A.,Dakota etc.

Durante e anjanan S.V. Arsenal a conoce varios President y Miembro di Directiva,pero no ta tur a keda pa largo tempo.

Despues cu Sr. Antonio a fallece, 2 jui a keda forma parti di e Team pa hopi anja mas y nan ta Genaro L. Morillo y Pedro E. Morillo.

Genaro a fungi varios biaha como President,Secretario y Comisario.

Pedro a fungi varios biaha como Secretario,2do. Secretario,Tesorero,Vice President y Comisario.

Despues di tempo Sr. Genaro L. Morillo tambe a retira por completo for di e team.

Durante anjanan tabata tin varios Sponser pa e team,pero pa e ultimo anjanan e equipo ta draai riba propio forza.

Un di e fundadornan cu a keda mas anja cu S.V. Arsenal tabata Sr. Antonio J. Morillo(D.F.M) cu tabata for di 1964 te cu 1974 y a retira pa motibo di salud.

Tambe tabata tin un team bow di e nomber East Stars cu a haci uso di e tereno na Coba Lodo.Despues cu e team ey a kibra y a stop di existi,Sport Verening Arsenal  a nace.

Actualmente S.V. Arsenal tin un team Di Caballero y un team di Damas.