Festival Damas Arsenal 0 – 0 Dakota

Apesar cu nos no tabata tin un team completo,nos a logra di sera 9 hungador pa asina nos por a hunga nos ultimo wega di loke ta trata Festival Damas.
Nos a duna un bon wega,apesar aki aya fayo nan chikito pero nos a sa di haci un bon papel.
E wega a termina 0-0 y nos a termina e Festival aki cu 1 punto.

Directiva ta gradici tur hungador cu a haci nan best pa a logra participa na e weganan.Cual por cierto un bon initiativa di parti AVB pa organisa e torneo aki despues cu nos futbol tabata para pa mas cu 1 anja.

Saludos deportivo…

Festival Damas Arsenal 0 – 4 Britannia

Promer tempo a bai aden 0-0 caminda cu e Damasnan di Arsenal a sa di duna un bon wega y mantene e goal limpi.

Loke ta di dos tempo nos a cai atras y no tabata domina e bala manera mester ta.Atrobe a sa di haja algun oportunidad sin resultado.

Al final nos di Arsenal Damas a cai venci 4-0.
Nos proximo y ultimo wega loke ta trata e Festival Damas lo ta Diamars 13 april 2021 vs Dakota Damas pa 8pm na CDGT Dakota.

Festival Damas Arsenal 0 – 1 La Fama

Diamars 23 maart 2021 Festival Damas a continua den stadion Guillermo Prospero Trinidad na Dakota.Arsenal Damas a hunga nan di 2 partido contra e damasnan di La Fama caminda e score final a keda na 1-0 pa La Fama.
Apesar cu nos tabata falta algun hungador aserca,nos damasnan a sa di duna un bon wega.A haja hopi oportunidad pa anota,pero no a sa di probecha.

Nos proximo wega lo ta diamars 30 maart 2021 vs Britannia Damas pa 7:30pm na CDGT Dakota.

Festival Damas Arsenal 0 – 1 Estrella

Despues di 1 anja cu futbol di Aruba tabata inactivo pa motibo di e pandemia Covid-19,bala a cuminsa lora bek.
Nos equipo di Damas ta participando actualmente den un torneo bow nomber di Festival Futbol Damas hunto cu 7 equipo mas.Un torneo caminda ta hunga 8 contra 8.
Nos promer wega a tuma lugar diamars 16 maart 2021 vs Estrella caminda e score a termina 1-0 na fabor di Estrella.Poco poco nos tin custumbra bek cu e ritmo y e weganan.
Siguiente wega lo ta diamars 23 maart 2021 vs La Fama Damas na CDGT.

Update AVB:Tur wega ta keda suspendi te proximo aviso !!

Bon tardi guys,

Despues cu e weganan di weekend a keda cancela relaciona cu e Coronavirus,awe 16 maart AVB a evalua e situacion y a jega na e decision cu tur wega lo keda suspendi te cu proximo aviso !!
Oficina di AVB tambe lo ta sera te cu proximo aviso !!
Tene cuenta cu esaki

Saludos deportivo…

Arsenal ta vence C.D.R.A. cu score di 1-0

Gol anota na di 42 minuut pa medio di Jader Dijkhoff.
Apesar cu no tabata nos mihor wega,nos ta contento cu un otro victoria mas.Asina nos ta acumula 3 punto mas riba e tabla di posicion y ta solido na 1er lugar.

Pabien guyss cu e victoria y prepara pa e next wega vs Undesa 14 maart 2020 @ CDFF

Saludos deportivo…

Arsenal a gana Jong Aruba cu score di 2-1

Cu golnan di Sidney Papito Kelly y Jose Dinho Groot,Arsenal a vence e equipo di noord Jong Aruba cu score di 2-1.Por bisa cu tabata un wega hopi preta,hopi tension.
Nos hungadornan a duna un bon bataya y bon wega.Y asina tambe nos ta acumula 3 punto mas riba e tabla di posicion.

Pabien guyuss cu e victoria.

Saludos deportivo…

Div. Uno-B: Arsenal 1 – 0 Unistars

Autor di e gol na di 47 minuut a keda den persona di Bryan Geerman.Un tremendo gol porcierto.Ambos team a duna un tremendo y candeloso wega.Tin biaha fuerte y duro.
Masha pabien guys cu e victoria importante aki.Asina tambe nos di Arsenal ta sera round 2 na di 1er lugar cu 28 punto.

Saludos deportivo…

Training @ Cancha Genaro “Buchi” Morillo

Diadomingo 9 februari 2020 training a continua pa nos hungadornan di Divicion Uno ariba e cancha turf situa na Arsenal mes.E extra training aki den weekend ta en preparacion pa nos wega importante diahuebs awor 13 februari vs Unistars.Cual ta nos ultimo wega pa sera round 2.
Nos ta entrenando fuertemente y intensivo pa nos logra un victoria y asina purba sera round 2 na di 1er lugar.Bon training guys.Nos tin un training mas pa bai cu ta diamars 11 februari promer cu nos wega di diahuebs 13 februari 2020.Tur hungador ban jega veld pa e training.

Arsenal Damas ta retira for di campeonato 2019-2020

Pa medio di esaki Directiva di S.V. Arsenal ta participa cu pa motibonan fuera di nos alcanse,nos Divicion Damas ta retira officialmente y per direct for di campeonato 2019-2020.

Pa campeonato 2020-2021 nos lo haci nos maximo esfuerso pa ta mihor y bon prepara cu un team completo.

Carta official a bai pa A.V.B. pa cu nos decicion tuma.

Sperando di por a informa boso debidamente y cu comprencion di cada un.

Saludos deportivo..