S.V. Arsenal a ricibi su Club Licensing 2019-2020

Diamars anochi 17 december 2019 den Piedra Plat Entertainment Center a tuma lugar e Ceremonia pa entrega di Certificado di Club Licensing 2019-2020 na e teamnan miembro di Arubaanse Voetbal Bond (AVB) cu a cumpli cu e rekisitonan basico pa obtene esaki. Y tambe a celebra clausura di anja cu un sabroso catering y cu musica di gaita Grupo Autentico.

En total 25 team miembro di AVB a ricibi nan Certificado di Club Licensing incluiendo nos equipo S.V. Arsenal cu a ser representa pa Sr. Pedro Morillo-President,Sra. Natalie Morillo-Vice-President y Sr. Eldred Morillo-Secretario General.

Na e occasion aki tabata presente Sr. Jonathan Martinez (Head of Professional Football Development di Concacaf) y Sr. Cristhian Tonelli (Professional Football Development Supervisor di Concacaf),cu a haci entrega di e Certificado na cada Club miembro.

Directiva di S.V. Arsenal ta gradici un y tur pa e esfuerso haci y obtene nos Licencia pa Campeonato 2019-2020.

Saludos deportivo…

Start a Conversation

Your email address will not be published. Required fields are marked *